للي شادّ تكاملات SAP: كيشوفهم من التيليفون، وكياخد نسخة قبل ما يفوت الوقت، وكيجرب الـ API بلا ما يتدابز مع الأوتونتيفيكاسيون.
صيانة SAP Integration Suite من التيليفون.
تشوف التشغيلات وتقرا الخطأ، وتقلب على رقم كومند فالهيدرز المخصصة، وتشعل iFlow ولا توقفو، وتبدل باراميتر خارجي، وتخوي داتا ستور واقف. كولشي بلا ما تحل اللابطوب. المعلومات ديال الدخول كيبقاو فالكي-ستور ديال التيليفون، والتطبيق كيحين راسو بوحدو.
بمشاركة Bais
الباك-أب ديال SAP Integration Suite بكليك وحدة.
كينزل فدوسي وحدة جميع الباكيجات والـ iFlow ديال الـ tenant، ولا غير النسخ اللي تدار ليهم ديبلوي. كيعيق بالباكيجات اللي فيهم أرتيفاكت فالدرافت وكيسجلهم واحد بواحد، كيجدد التوكن بوحدو وكيكتب تقرير CSV. تطبيق Windows فابور ومفتوح المصدر كيحين راسو بوحدو، والمعلومات ديال الدخول عمرهم ما كيتسجلو.
جرب الـ API ديال SAP بلا ما تضارب مع الأوتونتيفيكاسيون.
منصة ديال التجارب كتركبها فالأورديناتور ديالك. كتستورد المواصفات ديال شي API من Business Accelerator Hub وديريكت كيولي عندك mock كيجاوب بحال الحقيقي، حتى OData: كتجرب المنتوجات ديالك والـ iFlows ديالك بلا المعلومات ديال الدخول وبلا تينانت. كيعس على الكاطالوك ديال الـ Hub وكيقول ليك شمن API وشمن أرتيفاكت تبدلات ليهم الفيرسيون، وكيبين التبديلات اللي يقدرو يخسرو الكليان. كيسجل كل أبيل بحال أدوات المطورين فالنافيگاتور، وكيحين راسو بوحدو.
XSLT وSaxon على Windows، بلا سطر الأوامر.
كتختار الستايل شيت والـ XML وكتبرك على البوطونة ديال التشغيل: النتيجة والأخطاء ديال Saxon كيوصلو فجوج تابات مفرقين، وكليك على سطر الخطأ كيديك ديريكت للبلاصة الصحيحة فالإديتور. كيعاود يخدم بوحدو ملي كتسجل الملف، كيتفكر آخر التشغيلات، وإلا كان عندك Ollama كيعطيك مساعد محلي كيراجع الـ XSLT وكيكملو بلا ما يخرج الكود من الجهاز. كيتثبت وكيحين راسو بوحدو.